بونوں کی طلسماتی دنیایاپھرگلیور کی سفری زندگی میں بونوں کی ہوانٹری،بونوں کا وجود ہے یا نہیں،اس کےبارے میں کئی کہانیاں مشہور ہیں مگر بونے ہمیشہ سے ہی عام انسان کیلئے دلچسپی کا سبب رہے ہیں ۔

Samaat.v

سنووائٹ اور سات بونوں کی طلسماتی دنیایاپھرگلیور کی سفری زندگی میں بونوں کی ہوانٹری،بونوں کا وجود ہے یا نہیں،اس کےبارے میں کئی کہانیاں مشہور ہیں مگر بونے ہمیشہ سے ہی عام انسان کیلئے دلچسپی کا سبب رہے ہیں ۔

بونوں کی موجودگی کی افواہیں پاکستان میں بھی آج سے تقریباً بیس برس قبل گردش میں آئیں ۔ راولپنڈی میں کٹاریاں پل کے قریب بونوں کی موجودگی کی افواہوں نے ہلچل مچادی۔اسی چکرمیں ہزاروں افراد یہاں آتے۔آئی جے پی روڈ پر رش کی وجہ سے ٹریفک جام معمول بن گیا اور انتظامیہ کو دفعہ 144بھی نافذ کرنا پڑی ۔

انڈونیشیا کے جنگلات میں چند موٹر سائیکل سواروں نے ایک بونے کو دیکھنے کا دعویٰ کیا ہے اور اس کی رفتار موٹر سائیکل سے بھی تیز قرار دی ۔ اس سے پہلے بھی انڈونیشیا کے جنگلات میں بونوں کی موجودگی کی رپورٹس شائع ہو چکی ہیں جن میں یہ انکشاف کیا گیا تھا کہ بونوں کا ایک قبیلہ پانچ ہزار سال سے یہاں آباد ہے مگر تلاش کے باوجود اس کا سراغ نہیں لگایا جا سکا ۔

آئرش سائنسدانوں نے بھی آئرلینڈ کے شمال مغربی ساحل پر واقع ایک گاﺅں میں ایسے غار کی دریافت کا دعویٰ کیا ہے جو بونوں کی رہائش گاہ رہا ہے ۔ تحقیق کے مطابق اس غار میں جوتے بنانے والے آلات، نقشے اور سونے کے سکے ملے ہیں جو1650ء سے1700ء کےدرمیان کسی وقت بونے  چھوڑ کر چلے گئے تھے ۔

بالی ووڈ سپر اسٹار شاہ رخ خان اور عمران ہاشمی بھی الگ الگ فلموں میں بونوں کے کردار نبھائیں گے۔

یہ تو ہو گیا بونوں کا ذکر،اب بات کرتے ہیں چھوٹے قد کے افراد کاکسی کا قد لمبا ہوتا ہے تو کچھ افراد پستہ قد رہ جاتے ہیں ۔ اس میں قدرت کا عمل کارفرما ہوتا ہے یا پھر کچھ اور عوامل ۔۔۔ مگر ایسے شخص کی زندگی مشکلات کا دوسرا نام ہے ۔ کبھی یوں بھی کہا جاتا ہے۔

اٹھا لیتا ہے اپنی ایڑیاں جب ساتھ چلتا ہے

وہ بونا کس قدر میرے قد و قامت سے جلتا ہے

اگر ادھر اُدھر نگاہ ڈالیں توآپ کو کہیں چھوٹے قد کے افراد نظر آئیں گے۔چند معروف پستہ قد افراد کا ذکر کریں تو کچھ نام ذہن میں آتے ہیں ۔

انگلینڈ کے اداکار واروک ڈیوس کا قد صرف 3 فٹ 6 انچ ہے۔اس فہرست میں 3 فٹ 9 انچ کے امریکی اداکار ڈینی وڈبرن 4 فٹ 8 انچ کے گیری کول مین 2 فٹ 8 انچ کے امریکی اداکار ورنی ٹرائیور اور 4 فٹ کے وی مین بھی ملیں گے۔پروفیشنل ریسلرکی بات کریں تو4 فٹ 6 انچ قد کے ہارنز ووگل قابل ذکر ہیں ۔

برطانیہ سے تعلق رکھنے والے جیمز لسٹڈ برطانوی سیاسی تاریخ کے سب سے کم قد کے سیاستدان ہیں ۔ انہوں نے ویلش کاؤنسل سے کامیابی سمیٹی۔نیپال کے ساڑھے اکیس انچ کے چندرا بہادر اور ترکی کے آٹھ فٹ تین انچ لمبے  سلطان کوزن کی لندن میں ملاقات کا منظر پوری دنیا نے حیرانی سے دیکھا ۔ پاکستانی فنکار جاوید کوڈو اور منجھے ہوئے سیاستدان مرحوم قاضی سلطان نے بھی اپنے اپنے شعبوں میں اپنے سے بڑے قد کے افراد کو مات دی ۔ آج کل کئی ہوٹلوں میں چھوٹے قد کے افراد استقبال کرنے کیلئے بھی تو موجود ہوتے ہیں۔چھوٹےقدکےافراد بڑے قد کے افراد سے کچھ یوں شکوہ کرتے ہیں۔

مجھ سے اونچا ترا قد ہے، حد ہے

پھر بھی سینے میں حسد ہے؟ حد ہے

YOUR REACTION?



Facebook Conversations